بابر اعظم کی آئی سی سی ٹیسٹ رینکنگ میں چھٹی پوزیشن

 سری لنکا کے خلاف دوسرے ٹیسٹ میچ میں بھی سنچری کے بعد بابر اعظم کی آئی سی سی ٹیسٹ رینکنگ میں چھٹی پوزیشن ۔ 
image source-social media
کراچی ٹیسٹ کے بعد انٹرنیشنل کرکٹ کونسل کی جانب سے جاری کردہ نئی ٹیسٹ رینکنگ کے مطابق ٹیسٹ کرکٹ کے بہترین بلے بازوں میں بھارتی کپتان ویرات کوہلی 928 پوائنٹ کے ساتھ پہلے نمبرپر براجمان ، آسٹریلین سابق کپتان مڈل آرڈر بلے باز اسٹیواسمتھ 911 پوائنٹ کے ساتھ دوسرے ، نیوزی لینڈ کے کپتان کین ولیمسن 864 پوائنٹ کے ساتھ تیسرے ، بھارت کے چیتیشور پجارا 791 پوائنٹ کے ساتھ چوتھے نمبر پر ہیں ، آسٹریلین مڈل آرڈر نوجوان بلے باز مارنس لبش چینج 786 پوائنٹ کے ساتھ پانچویں نمبر پر ہیں ، جبکہ پاکستان کے سٹار بلے باز بابر اعظم سری لنکا کے خلاف دوسرے ٹیسٹ میچ میں سنچری کے بعد 767 پوائنٹ کے ساتھ چھٹی پوزیشن پر پہنچ گئے ، بھارت کے مڈل آرڈر بلے باز اجنکیا رہانے 759 پوائنٹ کے ساتھ ساتویں ، 
آسٹریلین اوپنر ڈیوڈ وارنر 755 پوائنٹ کی ساتھ آٹھویں ، انگلش کپتان جوروٹ 752 پوائنٹ کے ساتھ نویں ، نیوزی لینڈ کے راس ٹیلر 714 پوائنٹ کے ساتھ دسویں نمبر پر ہیں ۔ 
image source-social media

بابر اعظم کے علاوہ کوئی بھی پاکستانی بلے باز ٹاپ ٹین میں شامل نہیں ، دوسری جانب باؤلنگ اور آل راؤنڈر ٹیسٹ رینکنگ میں بھی کوئی پاکستانی کھلاڑی ٹاپ ٹین میں شامل نہیں ، اس سے قبل ٹی20 آئی سی سی کرکٹ رینکنگ میں بابراعظم پہلے اور ون ڈے کی رینکنگ میں تیسرے نمبر پر موجود ہیں ، یاد رہے کہ بابر اعظم ٹیسٹ کیرئیر میں اتنا متاثرکن آغاز نہیں کر پائے تھے تاہم اب نوجوان بیٹسمین کی کارکردگی میں مسلسل بہتری آتی جا رہی ہے ، ٹی20 اور ون ڈے کرکٹ میں نوجوان بلے باز پہلے ہی دنیا میں اپنے آپ کو منوا چکے ہیں ۔